ಬೆಳಗಾವಿ : ಚನ್ನಮ್ಮನ ಕಿತ್ತೂರು ತಾಲೂಕಿನ ಕಿತ್ತೂರು ತಿಗಡೊಳ್ಳಿ ಸಂಪರ್ಕಿಸುವ ರಸ್ತೆಯ ಪಕ್ಕದಲ್ಲಿರುವ ಫೌಜಿ ಫ್ಯಾಕ್ಟರಿಯಲ್ಲಿ ತರಬೇತಿ ಪಡೆದು 140 ಯುವಕರು ARO (ಎಆರ್ ಓ) ಬೆಳಗಾವಿ ರ್ಯಾಲಿಯಲ್ಲಿ ಭಾಗವಹಿಸಿ ಅಗ್ನಿವೀರ ಹುದ್ದೆಗೆ ಆಯ್ಕೆಯಾಗಿದ್ದಾರೆ ಆಯ್ಕೆಯಾದ ಅಗ್ನಿವೀರರಿಗೆ ಫೌಜಿ ಫ್ಯಾಕ್ಟರಿ ಚನ್ನಮ್ಮನ ಕಿತ್ತೂರು ಇದರ ಸಂಸ್ಥಾಪಕರಾದ ನಿವೃತ್ತ ಭಾರತೀಯ ಮಾಜಿ ಸೈನ್ಯಾಧಿಕಾರಿ ಪರ್ವೇಜ್ ಹವಾಲ್ದಾರ್ ಅವರು ಬೃಹತ್ ಸನ್ಮಾನ ಸಮಾರಂಭವನ್ನು ಏರ್ಪಡಿಸಿದರು ಹಾಗೂ ಇದೇ ಸಂದರ್ಭದಲ್ಲಿ ರಾಷ್ಟ್ರೀಯ ಪತ್ರಿಕಾ ದಿನಾಚರಣೆ ಅಂಗವಾಗಿ ಕಿತ್ತೂರು ತಾಲೂಕಿನ ಪತ್ರಕರ್ತರಿಗೆ ಗೌರವ ಸನ್ಮಾನವನ್ನು ಏರ್ಪಡಿಸಲಾಗಿತ್ತು.
ಈ ಸಂದರ್ಭದಲ್ಲಿ ಹಾಲಿ ಮತ್ತು ಮಾಜಿ ಸೈನಿಕರಿಗೂ ಸನ್ಮಾನಿಸಲಾಯಿತು ಕಾರ್ಯಕ್ರಮವನ್ನು ಸಸಿಗೆ ನೀರನ್ನು ಉಣಿಸುವ ಮೂಲಕ ಬೆಳಗಾವಿಯ ಆಶ್ರಯ ಫೌಂಡೇಶನ್ ಸಂಸ್ಥಾಪಕರಾದ ಸ್ವಪ್ನ ನಾಗರತ್ನ ಹಾಗೂ ಬೆಂಗಳೂರಿನ PSI & Police ತರಬೇತಿ ಕೇಂದ್ರದ ಸಂಸ್ಥಾಪಕ ವೆಂಕಟೇಶ್ ಅವರು ಉದ್ಘಾಟಿಸಿದರು.
ಈ ಸಂದರ್ಭದಲ್ಲಿ ಸಂಸ್ಥೆಯ ಸಂಸ್ಥಾಪಕ ಪರ್ವೇಜ್ ಹವಾಲ್ದಾರ್ ಅವರು ಪ್ರಸ್ತಾವಿಕವಾಗಿ ಮಾತನಾಡಿ ನಾನು ಭಾರತೀಯ ಸೈನ್ಯದಲ್ಲಿ 20 ವರ್ಷಗಳ ಕಾಲ ಸೇವೆ ಸಲ್ಲಿಸಿದ್ದೇನೆ ನನ್ನ ನಿವೃತ್ತಿ ಜೀವನವನ್ನು ದೇಶದ ಸೇವೆಗಾಗಿ ಮುಡಿಪಾಗಿಟ್ಟಿದ್ದು ನಿರುದ್ಯೋಗಿ ಯುವಕರಿಗೆ ಉದ್ಯೋಗ ಒದಗಿಸುವ ಮಹತ್ಕಾರ್ಯದಲ್ಲಿ ತೊಡಗಿಕೊಂಡು ಸೈನ್ಯದಲ್ಲಿ ನೌಕಾಪಡೆಯಲ್ಲಿ ವಾಯುಪಡೆಯಲ್ಲಿ ಅರಣ್ಯ ಇಲಾಖೆಯಲ್ಲಿ ಪೊಲೀಸ್ ಇಲಾಖೆಯಲ್ಲಿ ಸೇವೆ ಸಲ್ಲಿಸಲು ಆಸಕ್ತಿ ಹೊಂದಿರುವ ಯುವಕರಿಗೆ ಅನುಕೂಲವಾಗುವ ತರಬೇತಿ ಕೊಡಲು ಕಿತ್ತೂರು ಫೌಜಿ ಫ್ಯಾಕ್ಟರಿ ಹೆಸರಿನಲ್ಲಿ ಬೃಹತ್ ಸಂಸ್ಥೆಯನ್ನು ಹುಟ್ಟು ಹಾಕಿದ್ದು ಇದರಲ್ಲಿ ಪ್ರವೇಶ ಪಡೆದ ಸಾವಿರಾರು ಯುವಕರು ತಮ್ಮ ಕಠಿಣ ಪರಿಶ್ರಮದಿಂದ ಭರ್ತಿ ಆಗಿದ್ದಾರೆ. ಇದರಿಂದ ನಿರುದ್ಯೋಗಿ ಯುವಕರಿಗೆ ಉದ್ಯೋಗ ದೊರೆತು ಹಲವು ಕುಟುಂಬಗಳು ಇವತ್ತು ಆರ್ಥಿಕವಾಗಿ ಸದೃಢಗೊಂಡಿವೆ ಇದು ನನಗೆ ನೆಮ್ಮದಿಯನ್ನು ನೀಡಿದೆ ಪ್ರಸಕ್ತ 140 ಜನ ಅಗ್ನಿವೀರರು ಬೆಳಗಾವಿಯ ನೇಮಕಾತಿ ಒಂದರಲ್ಲಿಯೇ ಆಯ್ಕೆಯಾಗಿದ್ದಾರೆ ಇದರಿಂದಾಗಿ ಫೌಜಿ ಫ್ಯಾಕ್ಟರಿ ಕಾರ್ಯವನ್ನು ರಾಜ್ಯಮಟ್ಟದಲ್ಲಿ ಗುರುತಿಸಲಾಗುತ್ತಿದೆ.
ಪೊಲೀಸ್ ಇಲಾಖೆಯ ಪಿಎಸ್ಐ ಮತ್ತು ಕಾನಸ್ಟೆಬಲ್ ಹುದ್ದೆಗಳಿಗೆ ನೇಮಕವಾಗಿರುವ ಅಭ್ಯರ್ಥಿಗಳಿಗೆ ಉಚಿತವಾಗಿ ತರಬೇತಿ ನೀಡುವ ಕೆಲಸ ಕೂಡ ಇಲ್ಲಿ ನಡೆಯುತ್ತಿದೆ ಈ ಕಾರ್ಯದಲ್ಲಿ ಬೆಂಗಳೂರಿನ ವೆಂಕಟೇಶ್ ಅವರ ನಿರ್ದೇಶನ ನಮಗೆ ಆನೆ ಬಲವನ್ನು ನೀಡಿದೆ ಹಾಗೂ ಸೈನ್ಯದಲ್ಲಿ ಸೇರುವ ಯುವತಿಯರಿಗೆ ಉಚಿತವಾಗಿ ತರಬೇತಿ ನೀಡಲಾಗುತ್ತಿದೆ ಅದೇ ರೀತಿಯಾಗಿ ಉಚಿತವಾಗಿ ಡೆಮೋ ಕ್ಯಾಂಪ್ ಗಳನ್ನು ನಡೆಸಿಕೊಡಲಾಗುತ್ತಿದೆ ಯುವಕರು ಇದರ ಪ್ರಯೋಜನ ಪಡೆದುಕೊಳ್ಳಬೇಕು ಎಂದು ಹೇಳುವ ಮುಖಾಂತರ ಸಂಸ್ಥೆಯ ಕಾರ್ಯವೈಖರಿಯನ್ನು ವಿವರಿಸಿದರು.
ಈ ಸಂದರ್ಭದಲ್ಲಿ ಸಂಸ್ಥೆಯ ಪ್ರಗತಿಗೆ ಬೆನ್ನೆಲುಬಾಗಿ ನಿಂತಿರುವ ಸಹೋದರ ಮಾಜಿ ತಾಪಂ ಸದಸ್ಯ ಅಶ್ಪಾಕ್ ಹವಾಲ್ದಾರ್, ಅಪ್ಪಾಸಾಹೇಬ್ ಶಿಲೆದಾರ್ ಉಗುರುಕೋಡ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಶಫೀಕ್ ಹವಾಲ್ದಾರ್, ಜಾವಿದ್ ಹವಾಲ್ದಾರ್, ವೀರಭದ್ರಪ್ಪ ಕಮ್ಮಾರ್, ಶ್ರೀಮತಿ ನಿಷಾದ ಹವಾಲ್ದಾರ್, ಉಮೇಶ್ ದಡ್ಡಿಮನಿ, ಸುರೇಶ್ ದಡ್ಡಿಮನಿ, ಮಹಾಂತೇಶ್ ಕಂಠಿ, ಜಿನೇಂದ್ರ ಸೌದತ್ತಿ, ಬಸವರಾಜ ಚಿನಗುಡಿ, ಕಲ್ಲಪ್ಪ ಅಗಸಿಮನಿ, ಸಂಜೆ ವಾಣಿ ನ್ಯೂಸ್, ಗಡಿನಾಡು ಸಮಾಚಾರ ಸಂಪಾದಕ ಮಹಮ್ಮದ್ ಹುಸೇನ ರಾಜಾಬಾಯಿ, ಎಮ್ಕೆ ವಾಣಿ ನ್ಯೂಸ್ ಸಂಪಾದಕ ಮಹಾಂತೆಶ ಕರಬಸನ್ನವರ, ಈರಣ್ಣ ದೊಡಮನಿ, ವಿಶ್ಬ ದರ್ಶನ, ಪತ್ರಿಕೆ, ಮಾಜಿ ಸೈನಿಕರ ಅದಕ್ಷ ಎನ್ ವಿ ಅಂಗಡಿ, ಮಂಜುನಾಥ ಬೆನ್ನಿ ಕಾರ್ಯದರ್ಶಿ, ಜಗದೀಶ ಕಡೊಲಿ ಮುಂತಾದವರು ಉಪಸ್ಥಿತರಿದ್ದರು ಅಜೀಮ್ ಮೋಮಿನ ಕಾರ್ಯಕ್ರಮ ನಿರೂಪಿಸಿದರು ಶಿಕ್ಷಕ ಅಷ್ಪಾಕ್ ಪಟೇಲ್ ವಂದಿಸಿದರು.
ವರದಿ : ಎಂ ರಾಜಾಬಾಯಿ, ಉಪಸಂಪಾದಕ ಸಮಯವಾಣಿ ನ್ಯೂಸ್












